要在科技世界雄霸一哥寶座，一啲都唔易。話說近日同朋友聚舊，大家都因為一個情景而感到好驚訝：「嘩，好耐無見過成班人都用iPhone啦。」
曾經何時，iPhone係潮人象徵，想買部用吓，閒閒哋等幾個月都未有貨，蘋果搞到如此田地，認真唏噓。
預期PE僅6倍
Smartphone世界鬥到癲，Smart TV一樣爭到你死我活。
一向賣開傳統電視的創維（751），最近就同阿里巴巴合作，推出平價互聯網電視，賣點係可以透過支付寶網購，食正網購潮，一度刺激股價上番4.6元，不過好快就打回原形，昨收4.12元。
花旗仲削目標46%至3.57元，轉口叫人沽。皆因無做開電視嘅百度、聯想（992）、小米都加入Smart TV戰場，引發一場減價戰。創維同阿里推全新品牌「酷開」，42吋Smart TV只係賣1,999蚊人仔。
花旗認為，減價戰將會拖累創維毛利率，上半年Smart TV毛利將由舊年逾30%，急跌去23%至25%，甚至乎更低。全年整體毛利率或由19.6%降至19.1%。
之不過，要在市場爭一席位，呢場減價戰就打硬，雖然花旗勁唱淡，不過綜合彭博報告，近九成券商都叫買創維，加上預期PE只得約6倍，再大跌空間不大。近日股價已見喘定，呢隻一代基金愛股，話唔定有機會翻身。
瑪姬兒
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24