（喜）湖人球星拜恩現時最大問題，應該唔係佢傷好未，而係佢幾時可以復出。湖人官網日前出新聞，話上季因為阿基里斯腱撕裂收咧嘅拜恩康復進度良好，做復健完全冇問題。雖然講到一切都好理想，但係就始終講唔出佢幾時會為湖人上陣，搞到球迷都好迷惘。不過，湖人有理冇理都搵個人頂住先，而佢就係嚟過香港幫南華贏過2011年超聯冠軍嘅前鋒M蘭特利（前譯蘭特）。身高6呎7嘅佢當年嚟香港場均攻入36.8分，實力超晒班，同年仲被太陽睇中重返NBA；只可惜嗰陣未開咧佢就俾球隊裁走，輾轉去季返到發展聯盟搵食，希望佢今次唔會重蹈覆轍啦，可以為湖人重建王朝出一分力。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange