邵音音同楊天經噚日出席舞台劇《長髮幽靈》記者會，音音姐為咗撐場仲谷胸上陣，笑話自己係早排宣佈息影嘅陳靜（DaDa）接班人㖭！佢又話會叫DaDa捧佢場，音音姐仲爆：「佢（DaDa）唔嚟喺屋企冇嘢做，悶到死，佢喺澳洲開心，一返嚟就有壓力，係自己畀自己，佢有繼續食藥睇醫生。」至於粵劇名伶林錦堂日前逝世，天經話佢以前同媽咪陳寶珠合作，係睇住自己大，自己同媽咪都好愕然同唔開心。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！