吳君如前晚出席在銅鑼灣舉行的「真．善．美．藝漫會聚」，畫展上有兩幅畫是君如的作品，揭幕儀式完結後，老公陳可辛（Peter）突然現身，今次是驚爆Peter有小三田樸珺疑雲後，兩人首度同場出現，現場所見，君如和Peter未有受傳聞影響，兩人談笑風生兼大方合照，Peter更走到君如的作品面前，仔細欣賞一番。
同田樸珺冇聯絡
雖然君如表示她的作品大多數在貨倉和Peter的公司寄存，可惜Peter明顯不知情，君如代為解話：「我通常都係擺埋一邊，所以睇唔到唔係罪！」近期愛上繪畫的君如坦言受Peter爸爸影響，問到是否以老爺來稱呼對方？君如指Peter爸爸很怕人稱呼他做老爺，Peter亦說：「我媽咪都叫君如唔好叫佢做奶奶，跟我叫媽咪就得，身份係奶奶。」
對於小三疑雲，君如斬釘截鐵地稱一定不會講，接着便退後一步未有再發言，Peter否認用行動闢謠並說：「唔講喇，越講越離譜，唔需要澄清，亦都冇嘢要回應，就算要回應都係向我老婆交代，今次係啲雜誌亂寫。」當問他被指花心時，君如突然在旁插嘴，力撐Peter並不花心：「唔講喇，呢啲嘢搞三個gag就唔記得咗！」Peter再說：「總之我唔會再講，要回應留番畀律師回應，我𠵱家尋求緊法律意見。」至於有否與田樸珺聯絡？他則說：「冇聯絡！」他更稱今年將會留港與家人過中秋。此外，Peter昨日亦在微博上稱有感近日報道對他及君如名譽之侵犯、感情生活之侮辱，所以只能交由律師處理。
採訪：馬建華
攝影：葉君海
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24