超重口味.....真係超重口味....估唔到杜汶澤同周秀娜套新戲《爛滾夫鬥爛滾妻》係咁重口味！
話說上次阿澤同娜姐已經玩SM，今次仲玩埋男女性器官，劇情講到3個麻甩佬被娜姐邀請去化妝派對，為咗成為最勁嘅焦點，呢班男人竟然每人笠住一套性器官嘅頭套出場，正確來講唔係佢哋冇面見人，但無奈真係要打格仔，所以大家喺呢度只會見到3個打格嘅格仔人，如果大家想睇「真身」只有3個途徑....1.自己幻想，2.入戲院....3.重溫徐錦江95年套《南洋十大邪術》嘅經典造型。
而呢3個男人，就係杜汶澤、鄒凱光同彭浩翔。
其實近期港產片嘅低俗程度已經「低處未算低」，今次連性器官都玩一餐，遲啲仲有咩可以拍?
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！