藝人頻頻出動買磚頭。張家輝買完樓送畀老婆，新近聽聞梁朝偉以2,610萬元買入土瓜灣一間藥房做收租佬，回報3厘。
偉仔睇中土瓜灣北帝街東裕大廈地下一個藥房舖，物業由外號物流張嘅資深投資者張順宜持有，偉仔喺美聯工商舖有一位御用經紀，經佢拉線，業主原本叫價2,700萬元，都肯㩒低90萬元成交。
梁朝偉透過經理人公司回覆，話劉嘉玲早前講過，買磚頭係用嚟儲蓄，似係間接承認買舖一事。
成件事，最肥仔當然係嗰位御用經紀。近期物業市道低迷，佢做一個客就夠交數了。聽聞呢位御用經紀舊年幫偉仔以公司名義，買入黃竹坑寫字樓One Island South 6個單位，成交價約6,271萬元。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24