繼Android副總裁巴拉（Hugo Barra）加盟「中國蘋果」小米後，再有外國科技公司高層加盟內地科技公司，今次主角係facebook公關經理Ashley Zandy，佢轉去幫阿里巴巴老闆馬雲打工。
外電報道，兩年前由公關公司跳槽到facebook嘅Zandy，將會走去阿里，負責中國區以外嘅公關工作，為阿里上市做好準備。
之但係，阿里搞上市，至今搞到一鑊粥，綜合各方消息，主要係馬雲持股唔多，但點都要保住董事局話事權，又要求上市地接受阿里嘅合夥人制度，本港監管機構暫時唔buy佢嗰套。姑勿論阿里上唔上到市，公司嘅公關形象的確一般，希望Zandy加盟後有所改善。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24