馬會真係十分支持噚晚開始一連三日嘅「大坑舞火龍」活動，除咗避免街上人多擠逼，將原定周三夜馬提早喺周二舉行，馬會董事兼希慎（014）非執董利子厚更身體力行，親身參與舞火龍為市民祈福。
利子厚騎馬幾十年，今次係首次參與舞火龍，聽聞佢事前做足準備工夫，有請教老師傅舉龍頭嘅秘訣。雖然佢身形唔算大隻，但舉起70斤重（等於8包米）嘅龍頭，睇落都有板有眼，唔似好辛苦。
馬會自2010年起捐出超過130萬元，支持大坑舞火龍呢項國家級非物質文化遺產同相關活動，馬會主席施文信舊年有份參與，今次就輪到利子厚代表馬會出席。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24