兩位「梁粉」行會成員張震遠同林奮強先後因醜聞而辭任後，港大民意研究計劃喺9月中向近1,000人進行調查，發現市民最支持嘅行會成員係新民黨主席葉劉淑儀，得55.5分，繼續蟬聯榜首。
排第二同第三位嘅，係近期頻頻就政改發言嘅林煥光，以及盛傳係民建聯未來黨主席嘅李慧琼，分別獲53.5及47.4分。排第四位嘅羅范椒芬有47分；早前接受國泰款待豪遊法國後唔覺有錯嘅工聯會榮譽會長鄭耀棠，似乎冇受事件影響，以41.6分重新上榜殺入第五位。
其實陳智思喺呢次調查得分好高，有成55.6分㗎，但因為認知度較低而被剔除，無法入榜。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24