（怒）車路士嘅英格蘭國腳後衞艾殊利高爾（A高、圖）食女無數，但日前就有人將佢俾個粗口婆鬧爆同詛咒嘅片掟上網，真係報應囉！話說32歲嘅A高喺今年5月隨車仔去美國踢對曼城嘅友賽，有晚同友人去蒲點Hair of the Dog玩，但疑因貼士問題而同個應該係侍應嘅女人發生爭執，仲俾人由酒吧鬧到出街。個女人除咗狂用粗口問候佢之外，仲咒佢一行出酒吧就俾人老笠、打鑊金同埋雞姦。不過A高表現得好冷靜，冇同個粗口婆嘈，自己行開。最終個粗口婆鬧到冇癮後收聲，先告一段落。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange