內地官媒《環球時報》呢排日日發炮鬧英美，噚日話根據香港左報《大公報》同《文匯報》報道，英國情報機關在港活動，喺回歸後加強咗，不單滲入政黨、團體、司法界、商會同傳媒，仲要入埋政府「要害部門」，搶奪香港管治權。外界一直盛傳，特首狼振英同張震遠都係英國凌凌漆；張震遠辭任行會前，拍住狼英治港，莫非中央終於發現，特務處處有，狼班子入面至少呢兩個？
英領館拒回應
《環球時報》話喎，現役同退役嘅英國軍情六處駐港特工遍佈香港，行動中心就係英國駐港總領事館，撒手鐧就係攞住好多高級公務員絕密資料，仲無啦啦扯到前發展局局長麥齊光嘅騙房津事件，話呢啲證據，都係源自幾十年前嘅公務員資料，一定係英國當局所為。
嘩，要打擊英美箒，使唔使咁上綱上線呀？前行政立法兩局議員李鵬飛話呀，唔信麥齊光案證據由英國情報機構流出囉；英國駐港總領事館睬佢都有味，話明唔回應有關情報嘅問題。
有口痕友話呢，官媒可能係批緊狼英同張震遠都未定。話晒前者曾被《前哨》月刊認定係英國政府培養入政界嘅特務，後者師傅係港英時代中央政策組首席顧問、盛傳係MI6嘅魔僧顧汝德，所以都被懷疑係MI6。見到狼班子搞亂香港，又好難唔令人懷疑佢哋真正身份嘅。
mailto:[email protected]
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24