前日講完小小超李澤楷做埋纖體業務，原來唔止，佢對教育亦相當有心。聽聞，佢有意大力發展旗下專門提供電子學習方案嘅HKT Education。
HKT電子學習方案支援點對點高速光纖、雲端同Wi-Fi，可儲存龐大互動學習資料，畀老師隨時處理教材同備課，老師亦可以喺課堂內推行互動學習。
𠵱家有50幾間小學用緊呢個電子學習方案，優點係老師可以控制住個揭頁，學生唔可以㩒去其他網頁睇課堂以外嘅嘢，學界反應良好。據聞，小小超計劃喺明年第一季將服務推廣至中學，首階段約70間學校應用。
小小超相當關注呢個項目，好似話佢會經常向下屬問長問短，睇下可以點樣擴展，令更多學生受惠，做咁多嘢都係想話畀人知佢有心做生意啫。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24