大市高位整固，但復蘇股連日急回，感覺有點唔妥，睇走勢，過去兩日高位成交縮減絕非好事，希望今天不是裂口陰燭向下，否則將現見頂訊號。
美國議息後，伯南克或會公佈減少買債，睇番呢幾日媒體報道，多數人都好淡定，認為聯儲局「唔敢亂嚟」，最多每月減少買債100億美元，更有排唔會加息，對股市影響不大，這其實為大戶提供派貨條件。根據過往經驗，議息前後通常係兩個世界，戰友不可掉以輕心。
新股市場熱鬧，天喔國際（1219）掛牌大升17%，規模較大的輝山乳業（6863）正在招股，吸引熱錢炒番半新股。當中市值細、估值平，並具當炒概念的佳明集團（1271），屬尚佳選擇，短炒可睇升三成！
佳明為香港建築承建商，去年佔集團83%收入，但業務最sexy部份為近年拓展的數據中心租賃業務。雲端運算日趨普及，「大數據」熱潮席捲全球，數據中心需求有增無減。目前佳明於荃灣的數據中心毛利率逾70%，遠高於建築業務的單位數margin。集團正發展第二座數據中心，料2016年落成。
上月9日掛牌的佳明，招股價為1.11元，公開發售超購176倍。經過一個多月的收貨後，近日持續炒上，昨創上市新高，收報1.24元。冇蟹貨，加上貨源歸邊，市值僅5億元，為炒作佳品。保守畀佢8倍PE，已可見1.64元，水位32%。
魏力
http://www.facebook.com/2012jason
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24