想易啲做到富婆就要揀啱年份出世喇！噚日新鮮出爐嘅「2013胡潤女富豪榜」總共有51位內地女富豪上榜，咁啱得咁橋，有6位女富豪都係肖豬，成為十二生肖裏面嘅大贏家。當中好似花樣年（1777）執行董事、前國家副主席曾慶紅姪女曾寶寶，同埋瑞聲（2018）非執董吳春媛都喺豬年出世，名副其實係「金豬」。
楊惠妍居榜首
肖豬嘅女富豪係最多，屬牛、兔、龍、蛇、猴都多女富豪，榜內各有4位。
至於女富豪榜最新排名，碧桂園（2007）太子女楊惠妍就以510億元（人民幣．下同）身家，相隔5年，重奪女首富寶座，緊隨其後就係有「紫檀皇后」稱號嘅陳麗華。至於對上兩年都喺榜首嘅龍湖地產（960）老闆吳亞軍就連跌兩位去到第三。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24