（喜）早排有報道指現效力明尼路嘅33歲巴西球星朗拿甸奴（圖右），為咗令自己靚仔啲，豪花4萬鎊（約49萬港元）去做矯牙手術，將副招牌哨牙執番齊（圖左）。「細哨」話：「我𠵱家照鏡時，自信心返晒嚟囉。」我求大俠睇過佢整完牙嘅相，棚牙又的確係白咗同齊咗，但就搞到佢冇晒賣點，睇嚟細哨呢個外號亦唔再啱佢用。話時話，佢除咗冇咗副哨牙，連兩個眼袋都唔見咗，皺紋都少咗，唔通佢喺矯牙時，順便做埋整容手術執靚個樣？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange