港大民意研究計劃及中大香港亞太研究所進行的特首民調均顯示，梁振英民望不斷尋底。據聞梁振英對兩間大學民調不以為然，認為民調「低估」其民望，但季陶近日從一名泛民政界人士口中得悉，就連特區政府內部的民調也顯示梁的民望「唔多靚仔」，要急謀救命對策。
堅持結果準過兩間大學
話說該泛民政界人士某日巧遇某堅實梁粉，言談間提到港大及中大民調均指特首民望低處未算低，該梁粉即狂踩那些民調不準確、又指港大民調問題有引導性，不能反映梁的真正民望，之後卻說漏了嘴，指梁自己也有做民調，他們用美國民調方式，參考蓋洛普（Gallup）民調方法進行，堅持所得結果準確過兩所大學！
該政界人士此時立即追問，梁自己做的民調結果如何？梁粉即顯得面有難色，不斷說「冇港大中大咁低」，但那名政界人士仍「咬住唔放」，梁粉只好承認，與去年上任初比較，梁民望「係有明顯跌咗，但係一定冇港大講到咁差」！
該泛民人士卻將此作逆向解讀，事關梁上任至今，不斷拋出扶貧、打擊樓價等措施，全部是討好市民的政策，「如果咁樣（民望）都跌，即係話用晒招數都救唔到民望，咁梁振英就好大鑊」。據知貧窮線、施政報告將是梁挽救民望、盡地一煲的最後機會，若仍無助刺激民望上升，那梁班子恐怕可正式宣佈「冇得救」！
季陶
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24