濠賭股近期大熱，繼銀娛（027）、金沙（1928）連環破頂後，二線嘅實德（487）、奧瑪仕（959）及澳門勵駿（1680）亦齊齊發威。喺柬埔寨開賭嘅金界控股（3918），股價橫行超過一個月，炒上只係時間問題。
金界主要喺柬埔寨經營博彩及娛樂酒店NagaWorld，亦係首都金邊市唯一嘅持牌賭場，佔盡地利。NagaWorld共有178張賭枱及1,450部電子博彩機，一家有700間客房嘅酒店，並設有夜總會、卡拉OK酒廊、會議廳及展覽廳，娛樂及公務性並重。截至6月底止，金界半年賺6,285萬美元（約4.9億港元），按年增長兩成，中場、貴賓廳及電子博彩機收入升幅介乎6.2%至24.3%，雖然增長難與濠賭股比較，但勝在估值吸引，金界現價市盈率及市賬率為16.2倍及4.6倍，較六大濠賭股平均嘅25.3倍及9.4倍，分別折讓36%及51%。集團旗下Naga2最快於2015年竣工，將可進一步鞏固其優勢，早前更宣佈染指俄羅斯賭場項目，收入有望更多元化。
金界噚日收報6.83元，微跌1.4%，10日線已升穿20日線，發出黃金交叉利好訊號，升浪一觸即發，加上有近5厘息打底，中線坐八望九絕不過份。
唐牛
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24