曾經係曾班子心戰室要員嘅前新聞統籌專員何安達Andy無官一身輕，以前一返工就埋首處理上百條傳媒查詢，𠵱家就可以朝朝送囝囝返學享受天倫樂。佢噚日仲帶埋太太同阿仔，一家大細上港台節目大談湊仔經，話小朋友嘅IQ係其次，最緊要培養子女做人有毅力。
Andy仲有同前老闆煲呔聯繫，大爆煲呔上個月去咗非洲影牛嘅趣聞，引述煲呔話，非洲嘅牛群過河係一個奇景，因為條河多鱷魚，牛群會企定定，直到第一隻牛落水先肯過河，煲呔嘅目標正正係捕捉領頭牛嘅風姿。煲呔亦透露已經開始學緊希伯來文讀聖經，閒時仲會打吓波，所以身形fit咗好多。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24