海事處「打壓」戒毒學校正生書院，嚴厲緝捕所有接載正生嘅漁船、貨船，全面癱瘓師生出入，自由黨睇唔過眼，斥資6萬蚊租船為正生書院提供一個月臨時街渡服務，早晚接載師生兩次。由於海事處企硬唔放過正生，師生上下都好頭痛，一個月之後點算？
負責呢個project嘅該黨立法會議員易志明，噚日入咗正生了解情況，聽聞為解燃眉之急，自由黨度緊係咪加碼，再出錢幫正生租船。易志明亦同校方傾過點樣改善個碼頭，等日後搵到船接載師生出入時，可以避開強烈嘅季候風。但家陣一切都未成事，相信對於正生書院而言，最希望係盡快搬校舍去梅窩，但阻力唔細。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange