唔好再話港童乜都唔識淨係識打機嘞，近日就有一班學生哥憑超卓畫功揚威土耳其。19歲嘅曾詠彤喺土耳其加濟安泰普美索米羅藝術博物館舉辦嘅「國際兒童藝術大賽2013」，擊敗全球19個國家同地區嘅參賽者，勇奪「美索米羅藝術金章」，係呢次比賽高級組中唯一獲此殊榮嘅中國及香港代表。
12歲讀中二嘅楊毓瑜就以《綠色許願樹》畫作，喺初級組奪「傑出作品展覽獎」。佢哋日前聯同其他創意學堂嘅比賽得獎同學，到土耳其駐港總領事館參加頒獎禮，仲親自喺土耳其駐港總領事勒孰德勤尼斯手上領獎，得獎作品仲會喺土耳其上述博物館展出，認真巴閉。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange