香港潮屬各界噚日舉行國慶酒會，唔少司局長都畀面出席，包括林鄭、鬍鬚曾同袁國強，連轉型做blogger嘅發展局局長陳謬波都有到場，佢離場時被大批傳媒包圍，問佢點解會喺網誌發表郊野公園起樓謬論，但全程只苦笑封口，粒聲唔出。
相反，人稱民望高、特首黑馬高永文局長就風騷得多，酒會後留足全程咁滯，滿場飛同成班潮州鄉里合照，更自嘲最近頭髮剪得太短，俾唔少人恥笑。民望高話喎，同屬「架忌冷」嘅謬波最近「有事」，急急腳走人都好正常。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange