【劃清界線】
禁錮舊愛12小時的被告陳志遠坦白認罪，令案中女主角陳思琦不用出庭。惟陳思琦昨卻現身法庭旁聽，更邊聽邊抄筆記。她稱到庭只是想「了解吓」，又謂以後會「帶眼識人，大家小心啲」。言談間她與被告劃清界線，否認曾同居，「唔好講到咁親密，同一屋簷下箒，未必瞓同一間房嘅」。
稱分手因缺乏誠信
陳思琦昨戴口罩素顏現身，坐在公眾席最後排角落，像要迴避被告。直至散庭後，被告低頭掩面痛哭返回羈留室，陳思琦始離開座位，與陪同出庭的女親友及負責調查警員談話。
她在庭外稱，案發時不單擔心個人安全，更擔心被告傷害家中兩隻大狗。事後她不斷失眠及發惡夢，但因怕尷尬而沒向心理學家或精神科醫生求助，只由社工跟進。她已搬離案發單位，但難以估計將來會否再遭滋擾。她被案件困擾多時，幸得公司體諒。
問到她與被告的關係，陳思琦謂「唔好講感情，唔好話原唔原諒，錯咗就係錯咗」。她又謂分手主因是被告缺乏誠信，指被告性格有問題，「最好問吓佢爹哋媽咪，係佢哋教出嚟」，更謂「冇乜人想識佢，同佢食一餐飯已經知」，更透露曾借錢給被告。
《蘋果》記者
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24