李慧詩（Sarah）噚日獲香港教育學院取錄，成為健康教育（榮譽）學士課程學生，同幾位精英運動員齊齊着住黑色畢業袍見記者，Sarah話：「我未必一定讀到，大家唔好咁大期望呀！」引得全場人士捧腹大笑，佢之後話會努力嘗試，因為讀書會令人生更精采喎。
已離開校園9年嘅Sarah，期間試過喺網上修讀神學：「我另一個心願係到外國讀雙學士學位，心理同音樂係首選。」至於教院，Sarah最想同大師兄黃金寶做同學：「阿寶（10年成為教院學生）有太多單車任務，一直未開到學，如果佢做到我同學就好喇。」Sarah出席完教院活動後已即刻返廣州訓練，備戰下月初嘅天津東亞運，佢話最想突破500米計時賽同會試玩公路賽。Sarah，加油呀！
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24