早前先至同特首狼振英喺禮賓府共晉晚宴嘅香港友好協進會成員，噚日已飛去北京等住面聖。據知此訪京團約有30名會內核心要員參加，由會長戴德豐率領，雖然未有詳細行程，但八方收到風，今日極有機會獲港澳辦官員接見。
由於團員中唔少人係港區人大或政協委員，預料港澳辦都係叫呢班愛國愛港人士，支持吓狼英同特區政府咁啦。
重頭戲可能喺明日先上演。據知全國政協主席俞正聲已約佢哋當日一齊食餐飯、傾吓偈。查實俞正聲喺今年兩會期間，已率先叫政協委員多啲就政事發聲，睇怕飯桌席上都再叫佢哋加強反佔中，順道叫佢哋捐錢畀幫港出聲都未定呀。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange