世界上，邊會有無緣無故嘅恨㗎！何秀蘭Cyd日前同工黨成員約見監警會，力促關注市民質疑警方執法不公嘅問題，事隔幾日，網上突瘋傳聲稱係來自警界嘅消息，話阿Cyd嘅軍裝警員細佬2002年因病過身後，阿Cyd唔為細佬搞身後事，推晒畀警察福利部包辦，言下之意係阿Cyd好冷血。
抹黑流料瘋傳
八方向阿Cyd查詢，佢話呢件事係人格謀殺，事關內容不盡不實，一嚟因癌症過身嘅係佢大佬而非細佬，而當時係2003年而非2002年，當時身在外國嘅家姐都返嚟處理事件，點會推晒畀福利部？
事實係阿Cyd嘅大佬有個囡囡，如果要領福利金，當然要由福利部搞，而佢幫姪女跟進亦天公地道，過程中根本就冇用過議員嘅身份去處理。
佢相信早前投訴警察辣㷫某啲人，但佢一向唔想講屋企嘢，希望禍不及家人。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24