狼班子一大強項係寫網誌，仲要可以好似陳謬波咁，寫完唔算數，話唔代表政府意見囉。民主黨主席劉慧卿見到𠵱家啲官，鍾意做鍵盤戰士多過見人，實在睇唔過眼，噚日喺審議辣招嘅立法會小組會上發炮，話連財爺鬍鬚曾都只係透過網誌表達印花稅意見，「個個官都好似宅男咁，唔出嚟同人見面」。
地產及建造界議員石禮謙肯定唔宅，近期日日出嚟鬧爆政府企硬拒減辣，明言就算提修訂，預咗過唔到分組點票呢一關，大嘆做咗13年議員，終於感受到反對黨嘅滋味。卿姐即時食住上，歡迎石議員參加泛民大隊，仲話大嚿石呢刻嘅憤怒同無奈，泛民多年嚟一直有深刻體會。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange