就喺中方開大火力炮打英、美兩國唔好干預香港政改之際，呢個公民黨黨魁梁家傑認真膽大包天，喺fb上載喺英國嘅外遊照片，擺明挑機同中方唱反調啫。查實袋巾每逢暑假，都鍾意一家大細外出度假，啱啱佢就喺英國，享受完唔算太悠長嘅假期，最特別之處係佢臨飛返香港呢個現實世界前，喺倫敦Gloucester Road同公民黨前總策劃幹事歐陽志飛敍舊。
喺公民黨工作長達七年嘅歐飛，早前攞到志奮領留英獎學金，上月底出發去英國倫敦政治經濟學院進修咋，估唔到闊別短短一個月都冇，袋巾咁快已經掛住舊夥計。唔知左報會唔會發炮鬧佢連放假都要勾結外國勢力呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange