（樂）曼聯前鋒朗尼之前撞爆頭，講到好嚴重話國家隊比賽都踢唔到，點知喺上周六英超對水晶宮時神奇復出，仲入埋波㖭。朗尼咁醒神，原因可能係佢當日戴住嗰個黑色保護頭罩，事關呢個頭套來頭唔細，係由美軍都用開嘅高科技物料製造。頭套嘅美國製造商好有誠意，知道朗尼受傷之後主動聯絡曼聯醫療隊，上星期四送咗個樣本畀朗尼試用之後，後者就即刻決定戴住嚟上陣；但最搞笑嘅係，朗尼同新兵費蘭尼（圖右）俾網民惡搞，指佢哋各自嘅造型，就好似陳年舊戲《寶貝智多星》入面嗰兩個笨賊（圖左）。另外，上周六曼聯贏波賽後，艾舒利楊格又因插水畀人狂轟，據講英超賽會會派人同佢傾吓偈。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange