神級遊戲《芒亨》終於出第四集！相信唔少機迷已開始新一段獵人之旅；我們就即搵嚟鍾意打《芒亨》到寫咗首《獵人之歌》嘅農夫，仲有自稱「無隻龍難打」嘅高手洪卓立（Ken） 率先試玩。佢哋對新作有讚無彈，呢個訪問都係邊打邊做咋，陰功！
記者：韓繼聰
攝影：許有達
Ken迷升呢 農夫愛高難度
《芒亨》一直熱爆Game界，連娛圈都有唔少粉絲，今次可率先試玩《芒亨4》，農夫同Ken二話不說便答應訪問。「玩咗《芒亨》幾百個鐘左右喇！」農夫一嚟就拋；Ken亦不甘示弱：「我都係玩咗千幾個鐘箒！」 OK！三位都係超級Fans！農夫：「其實2G較後期才開始玩，當時朋友都已經好勁，好無癮，所以到第三集先真係喪煲！」 2G已開始沉迷的Ken，屠龍史似乎耐一點。除了玩唔完的收集元素，農夫原來更愛其高難度：「上手比較難，結果熟習後就唔願放手，而識玩嘅人亦會有自己一套語言和世界。」 Ken則情迷優越感：「鍾意同同伴一齊玩，亦鍾意見到自己較高『呢』，感覺好爽！」講到呢度，佢哋話原來陳柏宇先係高手：「佢基本上有齊所有裝束，仲要成日晒戰利品！」可以話係「獻世」高手！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange