蘋果公司剛推出平價版iPhone 5C，但其實國產手機小米一早就被稱為「高規格平價版iPhone」，甚至被視為iPhone嘅潛在對手，可想而知小米幾咁紅，紅到連《經濟學人》都要寫篇專題解構吓小米係乜東東，不過《經濟學人》就唔係咁睇好小米，認為小米難衝出國際市場。
雷軍創辦嘅小米近年氣勢如虹，憑住蔗渣價錢吸引唔少粉絲捧場，舊年收入126億人仔。小米最近仲踩界做埋智能電視，仲傳過話騰訊（700）入股。新一期《經濟學人》亦有講小米喺內地有幾勁，但結論係，iPhone唔使驚小米！事關內地限制手機作業系統，唔靠Google，小米因而有自己一套作業系統，呢個成為小米其中一個優勢，可以賣相關遊戲同apps賺錢，可惜一走出海外，佢仲有冇得爭就成疑問。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange