上日推介永利控股（876），指其具備賣盤潛力，股價曾爆升兩成，原來控股股東於9月11及12日合共增持147萬股，佔已發行股本0.46%。雖然股數不多，但意義重大，首先證明呢個價位超值，跟大股東上車，輸面有限。再想深一層，大股東已揸七成貨，何須再費神增持雞碎咁多？動機實在耐人尋味，而魏力傾向相信，背後是有刁在做，結果如何不妨拭目以待。
第三季近尾聲，今年來恒指原地踏步，H指更弱過弱煲，但散戶一向忽略的創業板指數，上周五靜雞雞創近年半新高，年初以來急升13%。趁個市回氣，不妨冷吼績優創版股，隨時逆市有驚喜！要揀績優、圖靚、估值平股份，魏力首選上海復旦（8102）。
公司主攻集成電路產品，安全及識別芯片，例如中國省市的金融社保卡、居民健康卡、公交卡、市民卡及居住證，一聽就知食正城鎮化及智慧城市兩大國策，政策扶持唔少得，上半年獲中央退稅1,154萬人仔，下半年可望持續。
睇番盤數，根據近年業績規律，下半年純利平均佔全年約七成，以上半年賺8,032萬人仔計，下半年估算可賺1.88億人仔，全年共賺2.68億人仔，按年增長91%，超級強勁，現價預測PE僅12倍，估值極吸引，可趁股價破位追入，睇18倍PE，目標9.60元。該股正申請轉去主板，炒作誘因又多一個。
魏力
mailto:www.facebook.com/2012jason
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24