對於強國人來說，除了「我爸係李剛」，「我係共產黨」之外，做傳媒記者的最架勢梗係央視，話晒都係官方喉舌。
前幾日《焦點訪談》短短15分鐘，踢爆中生製藥（1177）附屬以開會為名，招待各醫院負責人去泰國及台灣遊玩，股價即刻急瀉16%，央視玩踢爆，冇人敢嘈；換着是《南方周末》，就難講了。
央視影響力咁大，一來係因為官媒，二來強國人現時接觸最多的媒體依然是電視，所以電視黃金檔期的廣告炒得激過樓市，大受歡迎的浙江衛視《中國好聲音》決賽招標會，15秒廣告以380萬元（人民幣．下同）成交，按年升兩倍幾，估計一晚廣告收入1.3億元，不過始終同央視是兩個層次，冇賣幾年廣告的央視春晚，每年收入都最少冇咗5億元！
隨着《中國好聲音》競投破頂，內地經濟有見底迹象，央視明年廣告「爭奪戰」聽日壠動，11月現場招標，預售總額有望創歷史新高，大部份業務來自央視的廣告代理商中視金橋（623）最開心，該股中期純利已大增逾1倍，下半年通常為主要增長動力，上周尾港股轉弱仍能逆市上升，相信會再起升浪。
Samantha
本欄逢周一、三、五刊出
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24