莫文蔚昨日在中環置地廣場，為入行20周年的「莫后年代」展覽舉行開幕儀式，獲莫媽媽、莫爸爸、哥哥莫理斯舉家到場支持，外籍老公Johannes也專程抽空由英國來港撐老婆，兩人不時在台下錫錫，甜蜜爆燈。同場還有莫媽媽好友薛家燕、女兒石祐珊及緋聞男友王梓軒等。
風騷如再嫁
現場展出莫文蔚多年來珍藏，包括拍《食神》時戴過的假牙、童年照、以Karen Mok命名的香水、結婚時所穿的婚紗及CD全裸封面海報等，Johannes還在全裸海報前駐足欣賞，但尷尬不願與海報合照。
戴上550萬鑽飾、以閃片透視長裙現身的莫文蔚，表現風騷，她笑言有再嫁的感覺：「噚晚（前晚）自己有親力親為幫手，搞到凌晨3、4點，老公話覺得好震撼，因為同佢個行業係兩個世界，佢見到搭台嗰刻覺得好amazing。」
只評很美麗
莫文蔚表示與Johannes有段長時間沒有聯絡，這次展覽正好讓老公知道她多年來做過甚麼。至於多年前的CD全裸封面海報，她笑指老公謂不如想像般，但還是很美麗。問她會否在家擺全裸甫士讓老公欣賞，她笑謂：「唔話你知，我大把甫士擺。」她表示巡迴個唱同步舉行，11月會先到上海，明年3月在香港開騷。
採訪：林嘉慈
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！