電影《喜愛夜蒲3》演員許亦妮、雨僑和何佩瑜（Jeana）等，前晚在中環蘭桂坊人流最多的斜路拍攝opening場面，穿超低V背心的Jeana擠出東西半球，還有逾廿位𡃁模個個拋胸、晒腿各出奇謀，吸引逾百人圍觀及拿起手機拍攝，更有人大嗌：「Beautiful！」
文凱玲續爆料
不過《喜愛夜蒲3》開拍以來阻滯多多，先是陳靜（DaDa）稱有情緒病突玩失蹤；大前日又因租用遊艇被撞花，傳監製伍健雄與人大打出手。伍詠薇前晚不用開工，素顏現身撐伍健雄，二人嘴對嘴，伍健雄否認出手打人：「唔係，啲船平排泊，海有浪咪撞花咗，有事梗係由我去調停，呢啲party真係好辛苦。」他表示毋須賠償。
然而，在場的文凱玲卻踢爆有人被推倒：「有人跌咗喺我身邊，工作人員咪即刻保護我離開，分開咗我哋。」雨僑則說：「聽講有碰撞，對方好大隻同有紋身，但同監製係識嘅。」雨僑透露其中一場戲講述她與男友林德信鬧交後搭上韓模，穿上泳衣與對方kiss時感到好尷尬。
另外，許亦妮昨日凌晨拍攝的一幕，講述在外國長大的她十分任性，帶醉走上闊半呎的高牆頂行來行去，要陳柏宇英雄救美。由於站在高處，她拍攝時要用安全索。
採訪：黃曉妍
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！