全港獨立理財顧問一哥康宏理財（1019），去年鋪路強攻中國市場，令經營開支大增近7,000萬銀，拖累盈利大幅倒退逾九成，今年中期盈利已恢復增長，在業務進一步多元化下，預期全年業績肯定有睇頭。
截至今年6月底止，康宏中期賺4,391萬銀，按年增長1.4倍，由於去年受多項一次性開支影響，全年僅賺163萬銀，作比較欠意義，以2011年度賺5,300萬銀計，今年上半年所賺已等於當年全年盈利逾八成，全年業績令人期待。獨立理財顧問收入增42%至4.5億銀，依然為主要動力，今年4月才開展嘅新業務——自營投資及財務借貸，三個月已帶來2,328萬銀收入，絕不能小覷，亦成功為業務多元化奠下基石。康宏作為首間透過CEPA奪得全國性保險代理牌照嘅港企，再配合早前嘅銀彈政策，中國市場開始發揮威力，上半年收入按年狂飆21倍至3,829萬銀，佔比接近一成，預計到2015年將增至35%，反映內地未來數年將踏入收成期。睇圖表，康宏股價自年初起形成三角形走勢，現已行至末端，隨時有力爆邊；現價2.15元吸納，中線以今年高位2.7元作目標，潛在升幅26%，屆時市值僅13億銀，仍有好大可塑性。
唐牛
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24