里昂下周一至五在港舉行一年一度投資論壇，今年除咗搵到「萬人迷」碧咸講talk，傳聞亦搵來人氣澳洲歌手Kylie Minogue（上圖）為gala party表演助興。呢兩位嘉賓完全照顧晒女性同男性客仔嘅口味，里昂認真照顧周到喎。
里昂嘅投資論壇，每年都會請來國際知名嘅嘉賓演講，早幾年都係政界名人，之後轉為電影界，請過《教父》導演哥普拉同埋型男佐治古尼，舊年輪到體育界，請來前拳王泰臣，今年就係碧咸。聽聞，碧咸將會同里昂邀請嘅客戶同嘉賓分享退役後嘅生活同感受。聽完嚴肅嘅講座，亦有嘉賓表演助興，舊年嘅歌手係性感到暈嘅Katy Perry，今年都係呢類能歌善舞嘅，唔知明年會唔會請來性感男神轉轉口味呢？
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24