《哀》阿仙奴新簽嘅德國中場奧斯爾前晚喺英超處子登場，只係用咗614秒就證明佢係值4,250萬鎊，協助球隊作客新特蘭贏3:1。奧斯爾（黃衫）咁勁，簽佢返嚟嘅領隊雲格梗係開心啦，但同時佢亦都好愁，事關賽前就有辛迪卡索拉加入傷兵行列，而且要唞到10月中；基奧特喺前日於補時傷出，連埋正在養傷嘅耶耶辛洛高及普多斯基，以及唔夠狀態嘅賓特拿，雲格手上4個前鋒全部有事，嚟緊禮拜三作客對馬賽場歐聯，可能要排無鋒陣。前日入兩球嘅艾朗藍斯之前入親波，總有不幸事情發生，唔知基奧特係咪中咗呢個死神隊友嘅入波毒咒呢？
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24