曾經歷過低潮嘅曹格，最近返咗老家馬來西亞開騷，佢一出場就話：「我回家啦！」搞到班粉絲high爆尖叫，除咗落台握手，曹格仲拖咗一位忠實女歌迷上台，仲下跪問可唔可以錫佢，女歌迷表現得好怕醜，最後只敢錫咗曹格面珠一吓。
曹格今次仲請咗爸爸做嘉賓，又即興拉咗阿牛上台合唱《聽海》，曹格笑話：「他是我傳說中的緋聞同性戀男友。」兩個人仲喺台上互相噴水，玩到鬼咁癲。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！