港交所（388）前主席夏佳理噚日同信和置業（083）主席黃志祥喺馬場聚首，影呢張相嘅時候，黃志祥愛女其中一隻馬「加利多」跑輸咗，另一隻「連利多」準備出賽，夏佳理隻「紅駿」就等跑最尾一場。但睇兩人表情狀態，唔使等賽事完結都知結果啦，咪就真係全部跑輸囉。
查實夏佳理另一個身份係信置系三間上市公司嘅非執行董事，兩人表情咁嚴肅，唔知係咪傾緊點樣令政府「減辣」呢？可惜夏佳理唔係梁粉，喺現屆政府冇乜話語權，即使有計都好難發揮作用，得閒笑吓陳茂波啲網誌內容就仲得。
講番夏佳理嘅馬仔，除咗兩匹跑開嘅君河同紅駿，原來佢仲有匹新馬，名為「紅運飛駒」，係3歲澳洲馬，一路操緊，仲未出賽。少咗做公職，夏佳理可以花多啲時間陪馬仔啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange