【本報訊】柏浩離家出走44日，原來大部份時間都在網吧度過，打機、睡覺、打機幾乎是個半月的生活全部，其間他曾做過十多份兼職，包括茶餐廳外賣、跟車工人，但每份工只做一、兩天，每次賺夠60、70元就收工，足夠應付一、二天的吃飯開支便算，打完機，無錢食飯再搵工，間中到體育館沖涼梳洗。回家後他聲稱在外日子捱得「好辛苦」、「有一餐冇一餐」，甚至瞓街的滋味並不好受。
柏浩透露曾有回家念頭，但每次思家同時又怕被家人責罵，最終都是放棄，繼續自我放逐，直至前晚被警員尋回，他感到如釋重負。當知道父親連日來每晚奔波找他，嫲嫲更意外骨折，他懊悔不已。他又透露因擔心新學年留班而出走，已承諾日後會努力讀書。
據警方資料，過去一年至少有21名未成年男女童失蹤，至今仍有6人未能尋回（見下表），警方呼籲市民若知道失蹤男女童下落可致電各警區失蹤人口組，警署或999。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange