電影《喜愛夜蒲3》前日租用三艘遊艇在西貢對出海面晒冷式宣傳，怎料發生不愉快事件，據悉有遊艇船身被撞花，船員與監製伍健雄即起衝突，雙方發生推撞，更有人聲稱要「拖馬」，嚇到一班等埋位的𡃁模花容失色，要由工作人員護送離開。疑有醉意的伍健雄為息事寧人先離開，事件無人報警，伍健雄至截稿前未有回覆。前日在拍攝現場的「寸嘴Barbie」夏尉喻及文凱玲，昨在上水出席活動，Barbie證實前日船上有衝突事件：「噚日有架船衝埋嚟，又有人飲醉酒鬧事，情況好亂，我都好驚！」文凱玲則自爆前日拍攝時泳衣釦險甩。
採訪：楊潔雯
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！