明星都係人，都有失手嘅時候，好似形象一向高貴嘅韓劇《大長今》女星李英愛，噚日朝早喺首爾仁川機場出發飛去歐洲睇時裝騷嗰陣，竟然千年道行一朝喪，被一陣強風吹到頭髮亂晒似儍婆。愛姐冇髮型師跟身，又冇帶梳可以點？佢身邊嘅老公鄭豪泳即刻做嘢，出動五指梳幫佢撥番好，不過弊在救得一時唔救得一世，轉頭愛姐推行李車時個頭又亂過，愛姐行行吓仲遞高隻腳整鞋兼琜兩下，真係估佢唔到。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24