無綫劇集經常被指製作「是是但但」，雖然《情逆三世緣》有福將組合歐陽震華及關詠荷助陣，收視都唔算差，但劇集開播至今，多次被網民發現穿崩位，佢哋紛紛捉劇集錯處。
好似《情逆三世緣》第23集又出事喇，有網民發現呢集一開頭，劇中演奸角嘅黃智雯，同飾演探長嘅歐陽震華，帶住班警察手足去大排檔，當時黃智雯明明係着白衣黑褲，手上冇拎其他衣物，之後鏡頭轉去石天欣講對白，過咗兩秒左右，鏡頭又再去返黃智雯及歐陽震華嗰度，然而奇怪事情發生喇，原來黃智雯話咁快換咗件白恤衫，變咗件橫間上衣，兼夾着咗件大褸，真係只需兩秒，就予人「煥然一新」感覺﹗
之前台灣有「Hold住姐」謝依霖示範「一秒變格格」絕技；0依家黃智雯仲勁，示範「瞬間換衣服」，令人嘖嘖稱奇，啲剪接真係好到呢..........有網民揶揄：「當科幻片睇就好了﹗」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！