洪永城和翠如BB近期均受無綫力捧，更一劇接一劇，翠如坦言這一刻依然感覺像發夢：「做戲一直都係我好想試嘅嘢，𠵱家嘅感覺就好似當年拍旅遊節目咁需要摸索期，希望好快可以有一種自在嘅感覺。」對於獲無綫力捧，她說：「真係畀咗好多機會我，多到自己都唔好意思，總之有工作做就要盡全力。入行都十年，做演員都算遲出發，所以都要快少少學好做個好演員。」
洪永城坦言由主持轉型到拍劇依然有點不習慣：「都拍咗兩套劇，但依然唔太慣，以前做旅遊節目拍嗰時都會好隨性，可以做番自己性格，但做演員就需要去演繹一個角色，放感情去投入，而且會影響到情緒方面，因為你要演唔同嘅戲份，可能早上拍你死老母，之後轉頭又拍你好開心開party。呢種情緒會令人好波動。不過拍劇令我學到好多唔同嘅嘢，大家都好幫我，咁自己都要努力啲，希望可以做番少少成績畀大家睇。」
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24