【本報訊】有百年歷史的油麻地果欄，是講求承傳的小社會，外人難以立足，但年僅30歲生果搬運工人阿聰憑着14年的血汗，獲得同業信任後終突破壟斷，一個月前他與朋友合資在果欄開舖，成為現時最年輕的油麻地果欄檔主。阿聰有意挑戰傳統及大型超市，以平市價三成的定價「去到盡」，藉網上推廣薄利多銷日韓貴價水果求突圍而出：「我會將勤補拙……後生唔博等幾時？」
記者：馮詩媚 司徒韋桐 郭美華
深宵的油麻地果欄，穿背心短褲，滴着汗拉動生果板車的阿聰，外表似是一個較斯文及後生的搬運工人，在叔父輩為主的果欄，有誰想到他是老闆。14年前阿聰會考只得一分，他沒有自怨自艾，僅16歲便在朋友介紹到果欄當上運輸工人，日夜顛倒，每日用雙手搬幾千箱生果，汗水不斷，他直言難忘艱苦日子：「捱就係咁！我哋打日薪工，手停口停，惟有低頭就搏命做，搬唔到都要搬！」有次他拉着擺滿貨嘅卡板，因太疲倦行慢一步，結果給貨物撞至左腳踝骨裂，但休息4日又再開工。每天收工回家母親見他筋疲力竭，多次勸辭職，更擔心：「囝囝搵埋都唔夠睇醫生。」
以大財團為假想敵
但阿聰不肯放棄，14年以來日薪由240元累積增1.7倍至650元，高峯期他更曾一日打三份工賺二千元，但捱了3個月非人生活便「頂唔住」放棄，反覆思量後阿聰決定轉型，上月用30萬積蓄與朋友夾份在油麻地果欄開了一間不夠一百平方呎的生果檔，希望藉着中秋節散貨快賺第一桶金，他更以30歲之齡成為果欄最年輕檔主。
油麻地果欄有200間生果檔，競爭激烈，阿聰特別走小眾市場，以平市價至少三成的價錢批發日式超市常見的日韓貴價生果，包括二千元一箱的岡山香印提子，另日式超市以240元熱賣北海道雷電蜜瓜，他只賣150元，求殺出血路。「做生意不可畏首畏尾，果欄最好生意係中秋，我們將勤補拙，每晚早些開檔！」
阿聰滿腹大計，facebook宣傳、whatsapp訂貨已勢在必行，他強調原則是不會把街客當是水魚，並以大財團為假想敵：「阿信屋令我醒咗，原來有錢賺之餘，顧客亦可以食平一些，何樂而不為？」他指不論最終是輸是贏，把全副心機投入生意都是為養活妻兒一家四口：「送貨執貨一腳踢冇所謂，我個女兩歲大，仲有個在太太肚，現在後生唔博，怕老時養不到家！」
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24