噚日《喜愛夜蒲3》去西貢大晒冷，阿Bob林盛斌都喺入面，佢仲以一個地中海look出現，心口仲有兩撻假「紋身」，唔係扮胸毛嘛?!
面對一班波濤洶湧嘅水著女，結咗婚嘅阿Bob又把唔把持得住呢!?其實佢噚日下午，已經喺微博晒命....1點幾時，竟然唔怕老婆扭耳仔，放咗張淨係影住班囡囡「蘿柚」嘅相上微博話:「我嘅婚姻，因為《喜愛夜蒲3》，可能出現好大嘅危機......」
之後又放一張被十幾個水著女圍住嘅合照話:「拍戲真係好辛苦，其實呢一刻我真係好掛住我老婆o架..」真係鬼信你咩!佢朋友搭訕話想嚟埋，佢就話:「千祈唔好嚟，呢度好悶.......」
最後，亦都係最爆嘅一張，就係佢同大馬巨胸車模林雲嘅合照話:「 好嘞！夠嘞！痴線o架！我好辛苦呀！我要返屋企呀！」其實普通人見到林雲嘅34F上圍，大嗌痴線都好正常。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！