王菲和劉嘉玲向來老友鬼鬼，王菲昨晚在微博突爆離婚，跟着李亞鵬也在微博證實。作為二人好友的劉嘉玲，近日在尖沙嘴The One開設的餐廳，前晚舉行開幕派對，除老公梁朝偉撐場外，何超瓊、黃曉明、黃奕、楊千嬅及丁子高夫婦、伍詠薇、上山詩鈉、狄波拉、鍾鎮濤、范姜、周汶錡及周麗淇等都到賀，連罕有夜蒲的邱淑貞亦畀面出席，偏偏獨缺王菲。
「性格唔夾冇辦法」
就王菲李亞鵬離婚，嘉玲昨日在電話中說：「我知道佢哋呢個決定都有一段時間，作為第三者好難調停，佢哋兩個如果走到呢步，中間好多問題存在，外人好難，並非外間人可以插手。」有消息指李亞鵬有小三，嘉玲代澄清：「我所知李亞鵬係冇第三者，佢唔係啲咁嘅人，大家唔好捕風捉影，對佢唔公平。佢對人好投入，做事好認真，我知佢好努力經營呢段婚姻，性格唔夾冇辦法。」
問到可知王菲心情，嘉玲說：「佢係冷靜又理智嘅人，佢𠵱家好堅強，佢可以熬過去。」嘉玲知王菲和李亞鵬還未商談到如何處理嫣然天使基金，相信會繼續，可知此刻二人關係？嘉玲說：「佢哋關係必可再見亦是朋友。」
此外，周麗淇昨日在微博上載與劉嘉玲嘴對嘴的照片，並留言：「恭喜事業愛情兩得意的美美老闆新張之喜，生意興隆。」
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！