岑麗香、謝天華、張兆輝、徐子珊同溫家偉等噚日喺鑽石山宣傳無綫劇《神鎗狙擊》，劇中香香拋胸又玩舔腳，重口味劇情惹嚟網民熱烈討論，甚至有人截圖將香香嘅腳打格，令佢變成疑似三級女星，香香話：「咁核突嘅腳係化妝整出嚟，大家都好努力拍劇，希望唔好將焦點放喺嗰度。」香香玩舔腳終於帶挈收視，前晚平均收視升一點有25點（約161萬觀眾）。
大隻仔硬食檸檬
至於天華徒手攀石講電話亦令人譁然，天華話：「原本係冇講電話，係臨時同監製講，希望想增加戲劇效果。湯告魯斯（Tom Cruise）喺電影試過徒手攀石，只不過冇講電話，咁我想型過佢嘛！」
被傳力追香香嘅大隻仔溫家偉同香香大方合照，溫家偉話：「冇追佢嘅意思，大家係好朋友。」香香當面請男方食檸檬話：「𠵱家嘅狀態係想工作為主，呢一年工作都好忙，想喺工作方面進步咗先。」
撰文：馮仁昭
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24