一，郊野，即是膠嘢，冇半點保育價值。
二，將郊野公園打造成另一條西洋菜街，退休警司站台抗議，每句都有個「膠」字，講怎樣的粗口都唔怕人格障礙。
三，退休一哥Sorry Sir做郊野發展阿頭，協助公園轉型做警署，風水林變員佐級俱樂部，行山徑以膠帶圍封成禁區，確保呢招行得通，以後永遠無人能夠「佔郊」。
四，梁粉毫無建樹，轉型做發膠，是唯一出路。
五，玳瑁都猝死，香港根本唔適合大自然，海洋公園遲早變海洋高級公寓，熊貓寄居豪宅會所。
六，剷平12個郊野公園起樓，餘下12個起堆填區。如果再有地，起一座大亞灣交叉台山模式核電廠。689擺明車馬擦掉港英紫砂壺裏面的茶漬，擦鞋仔唔需要幫佢出聲。
七，保證冇人為了有飯盒派，去郊野公園露宿，社署高官飲得杯落。
八，郊野公園被梁營賣斷，下期交吉，照罰雙倍稅，不偏不倚，公平吧？