王菲昨晚宣佈與李亞鵬夫妻緣盡，消息傳出震驚整個娛樂圈，不少藝人表示可惜。
謝天華：
好愕然！過往睇啲報道都覺得佢好穩定，消息好突然！我好耐之前曾經喺朋友之間同王菲見過面，我相信係有佢嘅原因。
陳法拉：
呢啲係佢哋生命中嘅大事，我唔方便畀意見，我一直都未有機會見佢，只係睇過王菲嘅演唱會，但係我都覺得可惜。
陳百祥：
好難答喎！我哋只係點頭之交，我覺得王菲係一個好有性格嘅女仔，比較自我中心，好似佢同霆鋒嗰段情已經見到，佢分開咗之後咪快啲出番嚟唱歌囉！
楊怡：
我真唔知喎，好突然，好奇怪，真係諗唔到，我相信夫妻之間嘅相處，只有佢哋先知道，希望佢哋可以好好解決，都希望佢哋可以維持嫣然基金，繼續幫人。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24